Таних шинж тэмдэг 
4.5 м хүртэл өндөр ургадаг. Навч нь энгийн зуувандуу бүтэн ирмэгтэй, 6-12 см урт 3-8 см өргөн хар ногоон өнгөтэй, ган, хүйтэнд тэсвэртэй, гэрэлд дуртай анхилуун үнэртэй. Анхилуун үнэртэй, хөх ягаан өнгийн цэцэгтэйгээр алдартай. Манай орны цаг уурын нөхцөлд бүрэн нутагшиж тарималжуулж байгаа гоёл чимэглэлийн өндөр ач холбогдолтой ургамал юм. Жил бүрийн 6-р сараас 7-р сард 14-20 хоногийн турш цэцэглэж, 9-р сард үр жимс нь боловсорч 10-р сард навчаа гөвж ургалт гүйцэнэ. Үрээр үржүүлнэ. Манай орны эрс тэс уур амьсгалд бүрэн дасан зохицох чадвартай сортод хамаарагддаг.