Таних шинж тэмдэг
Мөлхөө хиаг нь урт мөлхөө үндэслэг иштэй олон наст ургамал. Манай орны ойт хээрийн бүсэд нэлээд тохиолдох ба гол төлөв голын хөндийгөөр ургадаг. Мөлхөө хиаг нь чийг ихээр шаарддаг боловч ган халууныг тэсвэрлэх чадвар сайтай. Манай орны эрс тэс уур амьсгалд бүрэн нутагшсан сорт бөгөөд хужирлаг хөрсөнд сайн ургадаг. Үр болон үндэслэг ишээр үрждэг. Мөлхөө хиаг нь бүрхэцийн хувьд зүлгэнд тарихад тийм ч тохиромжтой биш учир хотын захын хорооллууд болон уул уурхайн нөхөн сэргээлт болон эвдэрсэн газрын доройтлыг сэргээх журмаар тарихад бүрэн боломжтой.